पद्मश्री विखे पाटील महाविद्यालयच्या राष्ट्रीय सेवा योजना शिबिराचा औरंगपूर येथे समारोप

कोल्हार :-  औरंगपूर येथे पद्मश्री विखे पाटील महाविद्यालयाच्या राष्ट्रीय सेवा योजना (NSS) विभागाचे विशेष शिबिर दि. १७ ते २३ जानेवारी २०२६ या कालावधीत उत्साहात पार पडले. या शिबिराचे उद्घाटन माजी जिल्हा परिषद अध्यक्षा सौ.शालिनीताई विखे पाटील यांच्या हस्ते करण्यात आले. उद्घाटनप्रसंगी मार्गदर्शन करताना त्यांनी समाजसेवेचे महत्त्व अधोरेखित करत युवकांनी ग्रामीण समाजाशी नाते जोडून सामाजिक बांधिलकी जोपासावी, असे आवाहन केले. शिबिराचा दररोजचा दिनक्रम सकाळी योगासने व ध्यानधारणा, त्यानंतर प्रार्थनासभा असा होता. स्वयंसेवकांनी औरंगपूर गावात विविध सामाजिक उपक्रम राबविले. सार्वजनिक ठिकाणे, मंदिरे, स्मशानभूमी, रस्ते व मैदानांची स्वच्छता करण्यात आली. तसेच वृक्षारोपण मोहिमेंतर्गत सुमारे १०० रोपांची लागवड करण्यात आली. पाणी संवर्धनासाठी स्वयंसेवकांनी लहान बंधारे उभारणे तसेच जलसाठा वाढवण्यासाठी समतल चर (कॉन्टूर) खोदण्याचे काम केले. दुपारच्या भोजनानंतर विविध विषयांवर तज्ज्ञांचे मार्गदर्शनपर व्याख्याने आयोजित करण्यात आली.

 याशिवाय स्वयंसेवकांनी मतदार जनजागृती रॅली काढून लोकशाही प्रक्रियेबाबत जागृती केली. विविध सामाजिक उपक्रमांमुळे विद्यार्थ्यांना ग्रामीण जीवनाचा प्रत्यक्ष अनुभव मिळाला. या शिबिरात डॉ. बी. एफ. मुंढे , डॉ. विजय निर्मळ ,कवी यशवंत पुलाटे, डॉ. रामनाथ पवार,डॉ. शांताराम चौधरी , डॉ. अनिल वाबळे , डॉ. शिवाजी अनारथे ,डॉ. भगवत उफाडे डॉ. अनिल गाढवे आदी मान्यवरांनी मार्गदर्शन केले. शिबिराच्या यशस्वी आयोजनासाठी गावातील सरपंच लक्ष्मी भाऊसाहेब वाकचौरे, उपसरपंच मीनाक्षी ताई वदक, सामाजिक कार्यकर्ते विजयराव डेंगळे तसेच तंटामुक्ती समितीचे अध्यक्ष दत्तात्रय तळोले यांनी सहकार्य केले. या शिबिराला मार्गदर्शन ,प्रवरा ग्रामीण शिक्षण संस्थेच्या मुख्य कार्यकारी अधिकारी डॉ.सुष्मिता विखे पाटील तसेच महाविद्यालयाचे उपप्राचार्य डॉ.रामनाथ पवार यांनी केले. या कार्यक्रमाचे अधिकारी म्हणून डॉ. बी. एफ. मुंढे व डॉ. व्ही. डी. निर्मळ यांनी काम पाहिले. शिबिर यशस्वी करण्यासाठी समिती सदस्य डॉ. लामखेडे मॅडम, डॉ. सुनंदा तळोले, डॉ जयश्री विखे, डॉ व्ही बी तुपे, प्रा चितळकर मॅडम, प्रा शेटे सर, डॉ. लक्ष्मण घोटेकर व डॉ.प्रसाद डागवाले यांनी विशेष परिश्रम घेतले.