कोल्हार येथे खर्डे वस्तीवर धुमाकूळ घालीत असलेला तिसऱ्या बिबट्या शनिवारी पहाटे तीन वाजेच्या सुमारास वनखात्याने लावलेल्या पिंजऱ्यात जेरबंद झाला. दोन महिन्यात एकाच वस्तीवर व एकाच ठिकाणी तिसरा बिबट्या जेरबंद करण्यात आल्याची कोल्हार मधील ही बहुतेक पहिलीच घटना असावी. याच परिसरात अजून एक बिबट्याचा मुक्त संचार असल्याचे धनंजय राजेंद्र खर्डे यांनी सांगितले. त्यामुळे "भय इथले संपत नाही "अशीच अवस्था खर्डे वस्तीवरील रहिवाशांची झाली आहे.
याबाबत सविस्तर असे की कोल्हार- तिसगाव रस्त्यावरील खर्डे वस्तीवरील वसंत भगवंत खर्डे पाटील व पद्मश्री डॉ विठ्ठलराव विखे पाटील कारखान्याचे माजी संचालक राजेंद्र अण्णासाहेब खर्डे पाटील यांच्या वस्ती वर बिबट्या धुमाकूळ घालीत होता या बिबट्याने या वस्तीवरील कुत्रे व शेळ्या यांचा फडशा पाडला होता. त्यामुळे या वस्तीवरील रहिवाशी दहशतीखाली व जीव मुठीत घेऊन वावरत होते धनंजय खर्डे यांना व या वस्ती वरील काही रहिवाशांनी रात्रीच्या वेळी या बिबट्याला वस्ती परिसरात वावरताना पाहिले होते. संचालक राजेंद्र अण्णासाहेब खर्डे यांनी वनविभागात या बिबट्या बाबत माहिती देऊन या परिसरात पिंजरा लावण्या बाबत सांगितले वन खात्यानेही तातडीने कार्यवाही करत राजेंद्र अण्णासाहेब खर्डे यांच्या गट नंबर 114 मध्ये असलेल्या शेतजमिनीत पिंजरा लावला या पिंजऱ्यात शनिवारी पहाटेच्या सुमारास हा बिबट्या अडकला. शेतमजूर धनंजय जामोद यांनी सकाळी ही माहिती राजेंद्र अण्णासाहेब खर्डे यांना दिली. बिबट्या पिंजऱ्यात जेरबंद झाल्याची वार्ता वार्‍यासारखी गावात पसरली आणि या बिबट्याला पाहण्यासाठी खर्डे वस्तीवर आबालवृद्धांनी एकच गर्दी केली. ही बिबट्याची मादी असून असून दोन वर्षे वय असल्याचे वनरक्षक संजय साखरे ,प्राणीमित्र विकास म्हस्के यांनी सांगितले दोन महिन्यात एका ठिकाणी तीन बिबटे जेरबंद झालेल्या असले तरीही असले तरी अजून एका बिबट्याचा वावर या परिसरात असल्याची माहिती धनंजय राजेंद्र खर्डे पाटील यांनी दिली कोल्हार भगवतीपुर ला पाणीपुरवठा करणारा साठवण तलाव व या वस्ती परिसरात असलेली दाट झाडी यामुळे या ठिकाणी बिबट्यांचा वावर नेहमीच असल्याचेही धनंजय राजेंद्र खर्डे पाटील यांनी सांगितले. वन खात्याकडून या चौथ्या ही बिबट्याला जेरबंद करण्यासाठी त्याच ठिकाणी पुन्हा पिंजरा लावण्यात आला आहे.
Post a Comment